美斯進軍公仔箱　為劇集客串Show演技

足球博彩神器，每日重心提供盡在《彩報》：http://win.on.cc/football/　<br/><br/>阿根廷球王美斯係廣告商寵兒，拍過嘅廣告累積唔少演出經驗，最近呢位巴黎聖日耳門(PSG)球星仲進軍「公仔箱」，為阿根廷熱播劇集《Los Protectores》客串演出，令唔少球迷期待。<br/><br/>美斯今次參演嘅係《Los Protectores》第二季，呢套足球電影係講3個足球經理人嘅故事，而美斯就以「特別嘉賓」身份參與，暫時未知扮演嘅角色同戲份，但據報美斯嘅劇情，過去幾日已經喺巴黎完成拍攝。<br/><br/>劇組日前公開美斯拍攝嘅花絮相片，令球迷非常期待，不過第二季劇集預計要到2023年先至上映，想睇美斯演技就要耐心等候。