倫敦雙雄各有隱憂 車仔熱刺捱「細」界

2022年08月14日 19:05
東網電視
更多新聞短片
最強博彩盤路過關神器《串績王》:http://win.on.cc/football/ 
周日(14日)晚英超尾場爆發倫敦打吡,車路士主場硬撼熱刺。車仔仍處於重建階段,新兵史達寧又腳風唔順,必定先求穩陣,熱刺造訪剋星亦會小心翼翼,加上近年碰頭例少交收,不妨向2.5球嘅入球細埋手。(Now 621及611周日晚11時30分直播)
車仔除咗安達斯基斯坦臣同魯迪格已離隊外,馬高斯阿朗素亦有傳快將他投,急急簽入高列巴尼及古古列拿,防線仍需時間磨合。
至於簽入史達寧,係為咗解決前線欠缺數胡人物問題,但這名英格蘭國腳一向表現飄忽,首輪作客愛華頓雖然極具威脅,但亦浪費咗唔少良機,最終佢都係食白果,而車仔只憑佐真奴操刀12碼建功小勝1比0,主帥杜曹賽後更指眾將仍需提升體能,問題不少。
卡尼老孫仲未開齋
另一邊廂,熱刺喺首輪主場反勝修咸頓4比1,頭威頭勢,不過要留意,兩大王牌哈利卡尼及孫興民都冇士哥,4個入波有3球係後衞取得。
睇番雙方近5次正式賽事交手,熱刺全部輸晒,包括干地上季季中接手,連盃賽3鬥車仔都敗陣,似乎有啲格食格,以干地咁保守嘅風格,今仗唔敢冒進。加上近3次碰頭全開2球或以下,2.5球嘅細盤乃不二之選。