高級組銀牌　蔡立靖「開齋」：要幫球隊捧盃

東方周日（23日）於大埔運動場以3比1擊敗晉峰，晉級「高級組銀牌賽」4強，其中射入加盟後首個入球的蔡立靖，認為自己已適應新球會，希望為球隊爭取錦標。

蔡立靖今場表現活躍，除了其盤扭功夫為對手製造不少麻煩外，更憑一記遠射成功開齋，他對此感到高興，希望為東方爭取錦標：「我哋每場比賽都想贏，球隊而家開始連勝，呢個令我哋有信心去爭取三分，同埋會嘗試衝擊冠軍。」他續稱自己演出仍有改善空間，有信心隨着參與更多比賽，狀態會逐漸上升。

這位外援亦指已融入球會，與隊友可望愈見合拍：「由我加盟嘅第一日開始，教練已經同我講咗，佢理想嘅踢法，我覺得自己適合呢個戰術系統，同埋每完成一場比賽，我同隊友都會更熟悉，建立更好嘅化學作用。」談到本地賽事的水準，蔡立靖直言每場比賽都充滿競爭性，沒有容易應付的賽事。