創紀錄！阿仙奴連續3季作客劏車　

足球博彩神器，每日重心提供盡在《彩報》：http://win.on.cc/football/　<br/><br/>周日（6日）晚英超頭場上演倫敦打吡，阿仙奴憑住中堅加比爾馬加希斯一箭定江山，作客以1比0擊敗車路士，首次連續3季英超作客史丹福橋球場都贏波，續居榜首。<br/><br/>車仔今仗雖有奧巴美揚倒戈，但有阿列沙巴拿加、芝維爾等多名主力倦勤，阿仙奴則強陣出擊，連養傷多時嘅左閘辛真高都擔正，佢哋亦稍佔上風，先有賓韋特嘅射門僅僅斜出，之後加比爾馬天尼斯斬入禁區，可惜空晒嘅「耶穌仔」加比爾捷西斯來遲半步頂唔到個波，錯失良機。<br/><br/>賽前預期會向阿仙奴大報復嘅奧巴美揚，除咗易邊後藉住對方犯錯快射，畀阿仙奴門將蘭斯達爾封出外，其餘時間冇料到兼食張黃牌，「耶穌仔」入楔窄位抽射被撲出底線，令阿仙奴博到角球，由布卡約沙卡開出，門前混戰畀加比爾馬加希斯撞入，終於打破僵局。之後車仔換入干拿加歷查及布查，但作用不大，最終阿仙奴小勝1粒，繼續領先曼城2分排榜首，車仔則連續2仗聯賽落敗。