轉型失敗　夏薩特要求冬季離開皇馬

最強博彩盤路過關神器《串績王》：http://win.on.cc/football/　<br/><br/>皇馬教練安察洛堤曾於季初表示，要將夏薩特改造成「假9號」，希望幫助佢重生，但呢位31歲比利時國腳表現仍然冇起色，睇波多過踢波，意大利傳媒爆料指「夏神」提出明年1月冬季轉會市場重開後離隊，據悉皇馬會長皮里茲已經同意。<br/><br/>夏薩特季初試過踢「假9號」位置，但發揮唔到作用，上陣6場入1球，安察洛堤改為用洛迪高高斯踢呢個位，效果非常好，呢位巴西國腳今季各項賽事上陣17場入7球。<br/><br/>夏薩特轉型失敗之後，認為自己留隊已經冇意義，唔想等到2024年夏天約滿，希望明年1月就走人。<br/><br/>雖然夏薩特狀態持續低迷，但勝在名氣大，仍然吸引唔少球會注意，意大利傳媒指祖雲達斯考慮到迪馬利亞經常受傷，所以有興趣簽入「夏神」備用，但前題係唔需要轉會費。<br/><br/>皇馬2019年夏天以1億歐元向車路士收購夏薩特，睇怕最後蝕到渣都冇。