和波得2.98倍　克羅地亞又要踢加時？

世盃狂熱盡在《彩報》：https://win.on.cc/football/　<br/><br/>克羅地亞可以話係大賽「加時之王」，今屆世界盃2場淘汰賽法定時間90分鐘都打和，需要踢加時及互射12碼分勝負，近9次踢大賽淘汰賽有8次需要加時，嚟緊世界盃4強對阿根廷，和味亦相當濃，足智彩和波只有2.98倍。<br/><br/>克羅地亞上屆世界盃由16強至4強，都未能喺法定時間分勝負，情況同今屆非常相似，同樣16強及8強以互射12碼分勝負。克羅地亞上屆4強踢到加時擊敗英格蘭，今仗遇上阿根廷，隨時又歷史重演。<br/><br/>從賠率睇，今場4強和味相當濃，和波只有2.98賠，明顯熱過克羅地亞前2場淘汰賽嘅和波賠率，其中16強對日本和波係3.1倍，對巴西和波更加有4.4倍。<br/><br/>阿根廷同巴西實力不相伯仲，但對克羅地亞嘅和波熱到得2.98倍，睇來克羅地亞同阿根廷球員今場又要開OT。