東網電視
更多新聞短片

(Getty Images)
最強博彩盤路過關神器《串績王》:http://win.on.cc/football/
阿仙奴早前原本好有機會簽入烏克蘭翼鋒梅迪克,但卻被同市宿敵車路士截胡,令主帥阿迪達非常無癮,打算重槌出手增兵。根據英國《太陽報》爆料指兵工廠已將目標鎖定為韋斯咸中場迪格蘭賴斯,準備今夏簽入呢位24歲英格蘭國腳,估計轉會費高達8,000萬鎊。
迪格蘭賴斯將於2024年夏天約滿,有權續約多1年,曼聯、曼城、車路士等各大豪門都對呢位防中虎視眈眈。由於兵工廠好大機會取得下屆歐聯入場券,阿迪達認為今夏必須大肆增兵,先至有能力喺歐聯做出好成績,球隊鋒線人腳已經唔錯,所以將重點加強中後場實力,迪格蘭賴斯攔截力強,正係球隊所需要人物。
阿仙奴吸取「險簽」梅迪克嘅教訓後,將會大破慳囊,全力斟介迪格蘭賴斯,預料需要斥資8,000萬鎊,先至可以擊退其他競爭對手簽入佢。因此,阿仙奴唔排除出售艾利尼、法比奧韋拉、森比盧干加等副選,籌集資金收購迪格蘭賴斯。