東網電視
更多新聞短片
最強博彩盤路過關神器《串績王》：http://win.on.cc/football/
冬季轉會窗即將關閉，各隊都把握最後機會簽球員，唯獨曼聯領隊坦哈格做緊另一件事，傳媒發現佢同老婆一齊去咗睇樓，似乎準備置業喺曼徹斯特定居。
坦哈格今個冬窗早已獲得高層通知，球隊唔會花大錢買人，只能夠借兵，結果曼聯借入荷蘭世盃腳韋格賀斯，至於隊中邊緣球員出售或外借，就交畀手下操作，佢就同老婆去咗曼徹斯特市郊一間地產代理觀察，準備買樓。
其實坦哈格家族就係荷蘭地產富商，佢去搵英國「行家」睇樓，仲可以順便了解英國地產行情，報道指，坦哈格依家住喺曼徹斯特市中心公寓，但如果想住大啲，可以去球員雲集嘅柴郡，或市郊地段，睇嚟佢有信心喺曼聯長期執教，喺度買樓自住更方便。
