東網電視
更多新聞短片
足球博彩神器，每日重心提供盡在《彩報》：http://win.on.cc/football/
加蓬前鋒奧巴美揚上年獲恩師杜曹邀請，回流英超加盟車路士，點知佢「上車」冇耐杜曹就被炒魷，而奧巴美揚喺新帥樸達帶領下未受重用，自1月對利物浦後備上陣踢9分鐘後，就從未喺車路士出現過，近日佢終於再披車路士戰衣，可惜只係喺米蘭同朋友踢5人賽，真正復出遙遙無期。
車路士1月簽入梅迪歷、祖奧菲歷斯等攻擊球員後，奧巴美揚已被掟入雪櫃，唔單止冇份註冊踢歐聯，近3場聯賽就連大名單都冇份入選。呢位33歲老將近日獲准出國旅遊，佢喺米蘭同朋友踢室內5人賽，而且仲着住車路士件9號波衫，球迷見到都覺得唏噓。
據英國《每日鏡報》報道，奧巴美揚同車路士仍有1年半合約，但佢獲解凍嘅機會好微，預料今夏雙方會商討解約，奧巴美揚有機會去沙特阿拉伯或美職搵食。
