香港隊　U22余在言+劉家喬獲急召

【記者林卓臻馬來西亞直擊】香港足球代表隊周二（28日）將作客與馬來西亞進行國際友誼賽，在周一（27日）舉行的賽前記者會上，港隊主教練莊恩安達臣透露將由港隊U22，補選余在言及劉家喬入今次大港腳名單，兩人在新加坡完成「魚尾獅盃」賽事之後，將直接向大港腳會合。

港隊大軍於周日抵達馬來西亞後，已進行首課操練，是日安帥在徐宏傑陪同下出席賽前記者會，這位港隊主教練提到近期安永佳及艾里奧兩人先後退隊，因此決定急召余在言（Jesse）及劉家喬（Kyle）兩位港隊U22入隊，以應付今場對馬來西亞的友賽：「佢哋兩個嘅表現令我留下好嘅印象，過去兩場喺新加坡舉行嘅『魚尾獅盃』我都有睇，呢兩位年輕球員應該可以幫到我哋，Jesse之前有過大港腳經驗，Kyle作為正前鋒，係我哋稀缺嘅球員。」

余在言及劉家喬作為港隊U22主力，剛剛隨隊出戰「魚尾獅盃」，並於三日內進行兩場比賽，其中後者在周日（26日）舉行的決賽中，對馬來西亞U22取得入球。安帥表示兩人體能狀態不算理想，未必會已正選姿態出戰：「但為咗以防萬一，有球員喺後備席幫手永遠係好事，尤其安永佳退隊之後，我哋需要有位正前鋒候命。」

安帥任內將第二度作客馬來西亞進行友賽，他不忘感謝對方的邀請，港隊上周四主場賽和新加坡，惟安帥預計今場對馬來西亞，戰況會非常不同，並認為與上次交手相比，港隊現時實力已有所提升：「上場對新加坡對手『泊大巴』死守，我哋主導咗場波，嚟緊馬來西亞一定主動出擊同逼搶，踢得會好進取，可以對到強敵，對提升港隊防守有幫助，但可以肯定我哋今次實力係強咗。」

去年馬來西亞友賽後備上陣的徐宏傑，就認為需要對對手兩翼多加提防：「馬來西亞球員都好快，尤其係左右翼，安帥平時有指示球員要更加進取，除咗做好防守，自己都一步一步嘗試做更多，覺得係進步緊。」「傑仔」指出比起上次兩隊交手，現時港隊球員已更加適應安帥的戰術要求，有信心能踢出更佳表現，爭取勝仗。

至於繼去年之後再次倒戈港隊的馬來西亞主帥金判坤，就在記招上提起港隊往事，並以「My Boy」來形容一班曾經合作過的港隊球員：「我會一直支持同關注港隊嘅比賽，現時唔少球員，都係出自我幫手建立嘅青訓系統，見到佢哋入到港隊，我感到好驕傲。」「Kim Sir」不忘祝賀港隊相隔多年再打入「亞洲盃」決賽周，但強調現時將全力專注帶領馬來西亞在今場友賽取勝，希望兩隊能踢出精彩賽事。