東網電視
更多新聞短片
普捷天奴正式上任。
最強博彩盤路過關神器《串績王》：http://win.on.cc/football/
阿根廷名帥普捷天奴成為車路士新領隊後，周一(3日)正式去到車路士訓練基地開工，「肥普」首度接受球會電視訪問，當然落足力大讚新球會，不過佢強調車路士係「近10年英格蘭最好球隊」、「贏冠軍傳統」，就辣着前球會熱刺嘅一班粉絲。
普捷天奴喺首次訪問入面表示：「我好熟悉車路士，佢哋係世界最佳球會之一，所以加盟嘅決定好容易。車路士係英格蘭近10年、12年、15年最偉大球會，車路士嘅文化就係贏取冠軍。」普捷天奴喺2014至2019年曾執教熱刺，唔少球迷認為普捷天奴嘅言論係衝住熱刺而嚟。
普捷天奴今夏要幫車路士大換血，目前已經有夏維斯、高列巴尼、尼高路簡迪、高華錫等8個球員離隊，亦都簽入尼干古同尼高拉斯積遜等新兵，預計今個月仍會有大量買賣需要進行，普捷天奴相信都唔會等閒理會熱刺球迷嘅批評。
