港超聯　告別職業生涯　謝偉俊：開心喺流浪成長

標準流浪周日（27日）於主場青衣運動場，出戰今季首場港超聯賽事，最終以9球大炒深水埗，除了兩位上演「帽子戲法」的前鋒劉智樂、伊巴謙外，另一焦點落在謝偉俊（Danny）身上，事關今仗為這名後衞的生涯告別戰，他透露自己將在9月尾與家人移民，對能夠在流浪這個大家庭成長感到開心。

現年26歲的謝偉俊，出身自標準流浪青年軍，之後曾效力佳聯元朗、富力R＆F，2019/20球季重返流浪後便效力至今。Danny於今仗下半場入替傷出的姚浩明，表現不俗，更為伊巴謙送上一記助攻，惟賽後他卻透露自己將會告別職業生涯：「都係家庭原因，一早同太太計劃咗移民，9月尾就會離港，所以依場就係自己職業生涯最後一場，以9比0一場大勝作為結局都好開心。」Danny續指自己移民後，仍會繼續從事足球相關工作：「一路喺香港有教波，所以去到加拿大都會去番依個方向發展，睇吓會唔會有波踢吓。」

由2014/15球季出道，Danny職業生涯將近步入第十季，他坦言最開心是能夠在流浪這個大家庭成長：「好難得，唔係咁容易有得踢職業隊，係姑丈Philip（總監李輝立）由青年軍提拔我上去，先有機會簽到合約。踢咗咁多年，都開心Philip、『莫生』（會長莫耀強）比咁多機會我喺到學嘢，都有唔捨得，但為咗屋企人無辦法。」此外，Danny又提到早前對海防FC的「亞冠盃」外圍賽，表示這絕對屬於生涯最難忘的其中一仗：「有機會落場感受亞冠氣氛，同埋見識到個節奏，真係好開心。始終一早計劃咗移民，臨尾諗住守到1比0晉級，可以再出外多一次見識，但好可惜輸咗無計。」