東網電視
更多新聞短片
坦哈格同賀積查治10年前曾經合作。
曼聯希望喺夏天轉會窗完結前買中場，可惜收購蘇夫恩岩拉伯特計劃陷入僵局，據英國《每日電訊報》爆料，曼聯有意改斟熱刺中場賀積查治，原來呢位丹麥國腳亦曾經跟過坦哈格搵食，有望繼續加強「坦哈格幫」實力。
28歲嘅賀積查治，今季喺熱刺失去正選位置，早前熱刺就曾接納馬德里體育會3,000萬鎊(約2.97億港元)收購，只係個人條件傾唔掂先留隊，《每日電訊報》指曼聯計劃轉斟呢位丹麥國腳，相信交易難度較低，可望喺轉會窗完結前搞掂。
賀積查治10年前效力拜仁慕尼黑B隊嗰陣，球隊教練正正就係坦哈格，不過，唔少曼聯迷對呢單交易有所質疑，認為賀積查治並唔係想要嘅「一線」目標，對坦哈格再一次搵自己舊部表示懷疑：「又係坦哈格舊部？」、「求下你唔好再搞坦哈格幫」、「夠啦！唔好再買舊部啦」。
