東網電視
更多新聞短片
米積伯利表現獲好評。
曼聯今季成績麻麻，一眾球員被批評跑動不足，上場聯賽領隊坦哈格突然委派小將米積伯利擔正，果然為「紅魔鬼」注入活力，順利1比0贏般尼「止血」。據轉會權威Fabrizio Romano報道，曼聯已決定向米積伯利開新合約，希望佢可以長期留效。
20歲嘅突尼西亞國腳米積伯利，上季外借伯明翰表現出色，獲得唔少歐洲球會垂青，不過佢就同意今季繼續留隊，上場對般尼佢首度擔正，跑動距離達到12.9公里，唔單止係全場最高，仲係曼聯今季最高跑動距離紀錄，難怪深得坦哈格歡心。
米積伯利同曼聯嘅合約去到明年夏天完結，雖然曼聯有權再延長1年，但米積伯利嘅表現已說服坦哈格，所以球會將同佢正式展開續約談判，而米積伯利亦持開放態度。西維爾喺夏天曾經想招攬米積伯利，據報佢哋仍然有意提出收購。
