東網電視
更多新聞短片
漢恩添巴(右)潛力優厚。(Getty Images)
阿仙奴今夏收購咗阿積士後衞祖利安添巴之後，可惜呢位22歲荷蘭國腳季初受傷長抖，原來佢仲有1位孿生兄弟漢恩添巴，現時效力荷甲球隊飛燕諾，受到唔少大球會垂青，包括阿仙奴主帥阿迪達都想打親情牌，斟介漢恩添巴明年1月加盟。
有別於踢後衞嘅祖利安添巴，漢恩添巴司職中場，上季荷甲為飛燕諾上陣24場入2球及4次助攻，今季表現更出色，踢5場已入1球及3次助攻。根據《90min》報道，曼聯、曼城、阿仙奴、利物浦、熱刺、多蒙特、摩納哥、馬體會、拿玻里都派人觀察漢恩添巴比賽，準備出手將佢收歸旗下。
根據《transfermarkt》統計，漢恩添巴身價為800萬歐元(約6,600萬港元)，但由於多間球會爭相要簽佢，相信呢位新星身價將會水漲船高。阿仙奴勝在已經簽入祖利安添巴，可以用佢遊說漢恩添巴加盟，成事機會自己比其他球會高。
