東網電視
更多新聞短片
泰利文斯不滿做後備。(Getty Images)
泰利文斯加盟阿士東維拉短短4個月，因為上陣時間太少問題同主帥艾美利有爭拗，報道指該比利時中場考慮明年1月尋求轉會可能。
英國《Football Insider》報道，26歲嘅泰利文斯今季由李斯特城轉投阿士東維拉，上陣8場，但全部都係備入替，從未試過正選披甲，9月國際賽檔期佢已經表達過不滿，對於自己未能正選上陣好失望，但未能得到回應。
現時維拉陣容當中，艾美利較鍾意起用保巴卡卡馬拉、約翰麥甘尼同杜格拉斯雷斯，泰利文斯只能做後備，佢為此同艾美利爭執，並萌生離隊念頭。
