東網電視
更多新聞短片
小雷恩斯在媽媽陪同下簽約。
西班牙球星雷恩斯2019年6月車禍喪生，當時佢個仔啱啱加盟皇家馬德里青年軍，時隔4年，只有16歲嘅小雷恩斯喺媽媽陪同下，正式同皇馬簽署職業球員合約，子承父業，相信雷恩斯在天之靈都會覺得安慰。
小雷恩斯11歲加入皇馬青年軍，周三(18日)喺個人社交網宣布簽署第1份職業合約：「對我嚟講非常重要嘅一刻，我同皇馬簽咗第一份職業合約，好多謝球會對我嘅信任，以及家人每日嘅支持，我會盡最大努力去爭取最好嘅成績！」
小雷恩斯同爸爸一樣係攻擊球員，代表西班牙U16國家隊上陣9場入4球，潛質優厚。雷恩斯喺2019年去世之後，皇馬會長皮里茲就保證會將小雷恩斯撫育成人，果然言出必行。
