東網電視
更多新聞短片
坦哈格受到不少壓力。(Getty Images)
曼聯今季成績低迷，周四歐聯輸波後面臨出局，今季17比賽輸咗9場，雖然高層仍然力撐荷蘭教頭坦哈格，但有傳曼聯只會畀機會佢喺聖誕節前搞番掂隊波。英國《太陽報》指出，坦哈格有可能會重演摩連奴喺2018嘅悲慘命運，喺同月同日同一個球場畫上曼聯生涯句號！
曼聯星期六(11日)英超主場對盧頓，之後就會進入國際賽期，直到聖誕節前會係坦哈格救贖戰，唔單止有2場歐聯出線生死戰，就喺歐聯分組賽最後一輪對拜仁慕尼黑後，曼聯就會喺12月17日作客利物浦，稍有差池將會被炒魷。
幾乎一樣嘅劇本喺2018年曾經出現，當時摩連奴帶領曼聯喺歐聯分組賽煞科輸畀華倫西亞，之後就喺12月17日嘅英超，作客1比3輸畀利物浦，亦係摩連奴執教曼聯最後一仗。時隔5年，坦哈格會唔會再次「葬身」晏菲路球場？
