東網電視
更多新聞短片
艾寧夏蘭特傷勢並沒有大礙。(Getty Images)
曼城前鋒艾寧夏蘭特早前為挪威踢熱身賽對法羅群島，遭對手踢傷足踝，導致缺陣上場歐國盃外圍賽對蘇格蘭，一度令人擔心呢位23歲射手能否出戰周六(25日)晚英超榜首大戰，曼城主場對利物浦。根據「轉會權威」記者羅曼諾(Fabrizio Romano)爆料，夏蘭特嘅傷勢並冇大礙，可以趕及復出鬥紅軍。
羅曼諾指艾寧夏蘭特缺陣上場歐國外，主要原因係唔想冒險令傷勢惡化，加上挪威賽前已經篤定出局，夏蘭特更加冇需要留隊搏殺，經過檢查之後，夏蘭特嘅傷勢並唔嚴重，可以為曼城披甲鬥利物浦。
艾寧夏蘭特今季英超已有13球進帳，排射手榜第1位，曼城有佢助陣，自然可以提升勝算。不過，要留意夏蘭特上季3次上陣對利物浦，只射入1球，紅軍主帥高普似乎有方法凍結佢。
