東網電視
更多新聞短片
阿歷真度加拿祖上月為曼聯入2球及2次助攻。
曼聯官方宣布，翼鋒阿歷真度加拿祖當選為球隊2023年12月最佳球員，亦係呢位19歲阿根廷國腳連續2個月獲此殊榮，成為紅魔鬼近期唯一亮點。
阿歷真度加拿祖上月為曼聯上陣8次射入2球及2次助攻，代表作係英超主場對阿士東維拉，個人梅開二度，協助紅魔鬼落後2球劣勢之下，反勝3比2。
加拿祖攞獎之後喺社交網話：「好榮幸可以連續2個月獲得最佳球員，感謝大家一直以來對我嘅支持，已經為周日賽事好做準備。」曼聯將於周日(14日)晚英超主場對勁敵熱刺，到時等睇加拿祖表演。
