東網電視
更多新聞短片
伊東純也反擊。(Getty Images)
亞洲盃期間受性侵傳聞影響被迫退隊嘅伊東純也，近日發起反擊，日前透過律師提出訴訟，控告報稱遭其性侵嘅兩名女子，指佢哋嘅虛假指控對伊東純也造成名譽損害，索償2億日圓(約1,050萬港元)。
「日刊體育」報道，伊東純也在角逐亞洲盃期間遭兩名女子指控性侵，兩人稱去年6月在不情願下與伊東純也發生性關係，伊東純東雖然作出否認，但最終在壓力下被迫退出國家隊，而日本其後亦在8強出局。
伊東純也代表律師加藤博太郎表示：「我方認為佢哋嘅指控與事實不符，令伊東純也聲譽嚴重受損，球員生涯亦幾乎玩完，我方必須盡快回復球員聲譽。」亞洲盃後，伊東純也返到所屬球會蘭斯，上場法甲對朗斯更交出助攻。
