東網電視
更多新聞短片
岡崎慎司捧起英超獎盃。(Getty Images)
前日本國腳岡崎慎司在所屬球會聖圖爾登宣布，本季結束後掛靴，結束長達19年比賽生涯。
岡崎慎司近年轉戰比甲聖圖爾登，上季上陣32場入1球，不過今季上陣機會大幅減少，僅上陣7場入1球，佢喺球會官網表示：「我會喺今季結束後掛靴。我每場比賽都搏到盡，但身體話我聽，已經到咗極限。未來我會盡量保持健康，為球隊多做貢獻。依家宣布退休，係因為我想告訴一直以來支持我嘅球迷。球季結束後我會更加詳細解釋，現時仍然會100%專注足球，並會同年輕球員分享經驗，幫助佢哋成長。」
呢位日本前鋒2005年喺清水心跳出道，2010年轉戰歐洲，踢過德甲、英超、西甲同比甲，參加2010同2014年兩屆世盃決賽周，贏過2011年亞洲盃冠軍，以及2015至16年英超隨同李斯特城創造童話奪冠奇迹。
