東網電視
更多新聞短片
利物浦多次補時絕殺。(Getty Images)
利物浦今季已捧走英聯盃，嚟緊向英超、英足盃同歐霸盃冠軍進發，繼前季後再度挑戰4冠王創舉，各項數據顯示，紅軍奪冠機會均向好，例如上場英超補時絕殺諾定咸森林，其實已經係佢哋英超第44次絕殺，亦係英超歷來最多。
根據Opta數據統計，利物浦係英超歷史上補時階段絕殺入波最多球隊，而上場達雲紐尼斯絕殺入波，令佢哋嘅絕殺進球數累積44個。遠遠拋離阿仙奴、熱刺同曼聯。
Opta另一項數據推算，利物浦係歐霸盃奪冠機會率最高球隊，概率高達30.5%，排名最高，第2位係利華古遜，概率係19.2%，阿特蘭大以7.5%排第3，白禮頓以7%排第4，之後順序係賓菲加、AC米蘭、韋斯咸同士砵亭。
雖然利物浦傷兵滿營，但造就多位新星上位，包括波比奇勒、麥干尼爾、查洛爾昆沙、丹斯及哈維艾利洛，有分析指，呢批新兵不但成為衝4冠嘅新動力，更係紅軍嘅未來。
