麥總安歷基決裂：佢只係傀儡

盛傳今晚歐聯巴黎聖日耳門唔會畀基利安麥巴比踢足全場，原因係「麥總」同主帥安歷基關係瀕臨破裂邊緣，一旦PSG喺歐聯出局，雙方將會反面，麥巴比將會被雪藏至季尾。

西班牙《okdiario》報道，安歷基今季擔任PSG主帥以來，同關係麥巴比一般，加上該法國球星宣布今季結束後自由身離隊，安歷基開始控制麥巴比上陣時間，令兩人關係更加緊張。

記者Eduardo Inda報道，暫時雙方都唔會將不滿宣之於口，不過一切都心照，麥巴比近期除咗歐聯16強首回合對皇家蘇斯達踢足全場，喺法甲上陣時間都被縮短，「麥總」認為安歷基只係班主艾卡理化嘅傀儡，高層利益凌駕球隊利益之上，並剝奪佢爭逐金靴獎機會。

兩人尚未撕破面皮，皆因歐聯仍在爭冠路上，如果成功捧盃，大家好嚟好去，一旦PSG出局，雙方將會徹底反面。有消息指PSG要求麥巴比轉投皇馬後，向PSG上繳部分簽字費，金額希望在1億至1.5億歐元之間，作為「隱性轉會費」。