東網電視
更多新聞短片
班夫韋迪係安察洛堤愛徒。(Getty Images)
愛華頓21歲小將班夫韋迪今季冒起，上陣31場攻入2球，開始引起歐洲豪門關注，據報，當年一手提拔佢嘅安察洛堤，近日派員到英國觀看其演出，並向皇馬高層引薦該英格蘭中堅。
《HITC》報道，皇馬今季鬧中堅荒，多位主力受傷之下，一度要由曹亞文尼客串中堅，安察洛堤希望為防線引入新血，打算招攬愛華頓時期愛徒班夫韋迪上艦。
班夫韋迪於2019至20年加盟愛華頓，期間曾外借到布力般流浪及燕豪芬，佢首次為愛華頓一隊上陣，當時領隊正是安察洛堤，近期「肥安」派員觀看愛華頓對曼聯，觀察班夫韋迪表現。
班夫韋迪獲各豪門關注，除皇馬外，曼聯、紐卡素、車路士都對佢有興趣，據報更獲曼聯新股東拉特克利夫親自點名要簽佢，至於班夫韋迪正積極爭取參加歐國盃，假如今夏轉會，愛華頓標價至少7,500萬鎊(約7.5億港元)。
