東網電視
更多新聞短片
基沙文嘅經驗對法國非常重要。(Getty Images)
法國足總周二(19日)宣布，效力馬德里體育會嘅前鋒基沙文因足踝扭傷，將會缺席嚟緊對德國同智利2場熱身賽，意味呢位前鋒長達7年嘅連續84場國家隊上陣紀錄即將告終。
法國領隊迪甘斯表示：「基沙文足踝有問題，雖然上場聯賽佢只係踢45分鐘，但個傷已經出現問題。要搵一個球員完全代替基沙文係好困難，我哋會另作安排。」法國隨後補選拉素中場古安杜斯入伍。
今次係基沙文自2016年11月後首次缺席國家隊賽事，期間84場賽事都一定有份落場。法國星期日(24日)凌晨會喺主場對德國，下周三(27日)再迎戰智利。
