東網電視
更多新聞短片
沙士菲4將被捕。
阿甲勁旅沙士菲爆出醜聞，4名主力周二(19日)因為涉嫌強姦罪名被警方拘捕，沙士菲宣布喺調查期間暫停4名球員職務，並且凍結合約。
被捕4人分別係門將施巴斯坦蘇沙、後防古菲、前鋒艾比爾奧蘇里奧同巴拉圭中場荷西科倫天。報案女子報稱喺3月3日，應施巴斯坦蘇沙邀請去酒店見面，當時另外3人亦在場，女子飲完酒後昏睡，醒後發現被4人強姦，懷疑酒入面被落藥，所以向警方報案。
沙士菲隨後發表聲明：「球會對呢件事非常關注，涉及嘅案件明顯違反球會嘅原則同價值觀，球隊將全面配合法院，希望搵出事實真相，調查期間4名球員嘅合約會被暫時凍結。」
