東網電視
更多新聞短片
視頻觀看次數: 2.6k
林衍廷（左）與謝臣爭頂。（鄧文滔攝）
1/4
「中銀人壽香港超級聯賽」周六（6日）另1場頭場，標準流浪坐鎮青衣運動場惡鬥大埔。最終大埔憑盧卡斯梅開二度，加上比迪高及陳肇鈞各入1球，以4比1擊敗標準流浪。
近期走勢欠佳的流浪派出林遼太與林堂真鎮守中路，林嘉緯及林衍廷控制中場，前線三叉戟為伊巴謙、劉智樂及上形洋介；「綠戰士」方面，鍾偉強聯同比迪高在兩側發動攻勢，支援盧卡斯及馬卡雷拿攻堅。
流浪開賽後佔據較多攻勢，7分鐘，伊巴謙右路傳中，神田夢實把握大埔球員解圍不遠，起腳斜出。16分鐘，林堂真主射罰球中楣彈出，客隊隨即發動快攻，惟盧卡斯近門射高。大埔到18分鐘打開紀錄，客隊逼甩林衍廷腳下球後，由盧卡斯射成1比0。27分鐘，大埔近門連番起腳，最終比迪高補中成2比0。但兩分鐘後，流浪便由上形洋介接應伊巴謙傳送，近門射入，助流浪追成1比2完半場。
大埔換邊後繼續搶攻，但加比爾、馬高斯山度士及陳肇鈞先後攻門，俱未能考驗盧兆崎。72分鐘，林遼太禁區內飛剷馬卡雷拿時，手部接觸皮球，不過球證沒有判罰12碼。3分鐘後，加比爾接應角球施頂被今場表現出色的盧兆崎救出。直到80分鐘，盧卡斯接應長傳，壓入禁區射入，加上陳肇鈞末段錦上添花，大埔贏4比1完場。
李輝立承認今季組軍工作未如理想：「我哋搞波係盡量想搵好嘅球員，踢好波畀人睇，但今年喺搵人方面係差啲，搵一位外援要做好多功夫，真係唔想換來換去。」講到神田夢實，李輝立表示已非常尊重這位日本外援，更讓他為球隊排兵布陣，但就指神田的態度欠佳：「佢有佢自己嘅個性，有自己嘅踢法，教練要佢踢邊度佢唔聽，可能佢喺日本踢過代表隊，比較高傲，睇我哋比較低，但球員唔應該咁，我哋好尊重佢，上場佢唔滿意，呢場就畀佢負責排陣。」對於來季安排，他表示要視乎班主想法：「踢埋呢幾場波先，踏入5月有幾場波易踢啲，希望盡力攞分唔好排到咁後。」
神田夢實（藍衫）在大埔球員包圍下起腳。（鄧文滔攝）
鄭子森（右）飛剷伊巴謙。（鄧文滔攝）
上形洋介（藍衫）把握大埔門前混亂，為流浪追成1比2。（鄧文滔攝）
