港超聯　林嘉緯宣布季後退役：係時候退落嚟

標準流浪周六（6日）於「中銀人壽香港超級聯賽」以1比4不敵大埔，隊中主力林嘉緯透露將於今季後退役，他解釋感到自己應付比賽愈來愈吃力，繼而選擇掛靴「好多謝一直有咁多球迷支持我。」

在本地球壇征戰近21年的「嘉緯」贏得過不少冠軍，為球迷留下很多難忘片段，包括曾於2013年友賽射破曼聯大門。他稱上季起已考慮退役，到本季傷患漸多，應付比賽較以往吃力，決定結束球員生涯：「依家傷患愈嚟愈多，有時要食埋藥先落到場，覺得自己係時候退落嚟，同埋畀機會後生仔上位。」

「嘉緯」又指雖然流浪本季成績未如人意，但認為以今季作為生涯最後1季不算留有遺憾：「我幾年前回歸流浪嗰刻，都冇諗過可以打入盃賽決賽，甚至踢亞洲賽，所以我覺得自己已經賺咗，希望呢季攞到『賽馬會菁英盃』冠軍，有個完美句號。」

他亦不忘向支持自己多年的球迷致謝：「好多謝一直有咁多球迷支持我，要知道睇本地波嘅球迷唔算好多，但都有人年年都去買自己波衫，甚至離開咗香港之後，都有繼續為我打氣，呢點好難得。」