港超聯　恩查決意離隊：想贏多幾個盃先走

傑志周日（14日）在「中銀人壽香港超級聯賽」以4比0輕取均業北區，為球隊先開紀錄的前奧地利國腳恩查，堅稱不會改變離隊決定，盼離隊前為傑志在各條戰線贏得冠軍。

恩查早前向其他媒體透露，為了有更多時間陪伴家人，打算季後離開傑志，他是日受訪時直言不會改變決定，盼離隊前為傑志在餘下賽事爭取冠軍：「我決定咗嘅嘢就唔會變，其實球隊一直都對我好好，只係自己想陪多啲屋企人先諗住離隊；依家球隊計埋盃賽，仲有3個冠軍可以爭，好想臨走前幫傑志贏哂佢。」

恩查對上一次在本地賽事建功，已數到今年1月13日對晉峰的「賽馬會菁英盃」賽事，他表示未有因入球荒感到壓力：「作為前鋒，有時腳風唔順都冇計嘅，但最緊要係球隊喺呢段時間keep住贏波，嚟緊得番5場聯賽，希望大家繼續贏落去，攞聯賽冠軍。」