東網電視
更多新聞短片
舒拉加重傷對奧地利打擊極大。(Getty Images)
距離夏天歐國盃決賽周仲有1個月多啲，球員季尾傷患情況再引起關注，RB萊比錫周日(5日)宣布，中場舒拉加因左膝十字韌帶撕裂，將無緣代表奧地利出戰歐國盃決賽周。
RB萊比錫周六(4日)作客1比1打和賀芬咸，中場舒拉加喺16分鐘傷出，球隊總監舒洛達賽後證實佢左膝十字韌帶撕裂：「呢個消息令我哋震驚，特別係舒拉加，佢係球隊關鍵人物，而且今季表現出色，出戰歐國盃一直係佢嘅目標，球隊上下一定會全力支持佢。」
26歲嘅舒拉加今季29次喺聯賽正選上陣，係RB萊比錫拎到下季歐聯資格嘅功臣，佢已43次次表奧地利國家隊上陣，包括喺歐國外6次正選披甲，原本係領隊蘭歷克嘅主力，今次重傷對奧地利係一大打擊。
