東網電視
更多新聞短片
周日（12日）晚奧脫福上演英超「魔仙戰」，相信曼聯重心已經放喺稍後嘅英足盃決賽，面對全力衝冠嘅阿仙奴，就算有主場之利亦未必夠砌。
「紅魔」殘陣防守錯漏百出
「紅魔鬼」上場以0比4慘敗畀水晶宮，表現慘不忍睹，傷兵問題困擾主帥坦哈格，幾位中路守將哈利馬古尼、華拉尼及域陀連迪路夫全部打柴，上場焗用卡斯米路做替工，夥拍莊尼伊雲斯扼守中路，結果有眼望。賽前報道利辛度馬天尼斯同前鋒拉舒福特已經復操，相信對曼聯調動有幫助，不過佢哋近6場聯賽勁失15球，門將奧拿拿今場又有排忙。
阿仙奴近4戰聯賽全勝狂轟13球，繼續同曼城你追我趕，今場遇上殘陣兼防守錯漏百出的曼聯，為求爭冠關鍵3分，一眾「廠將」自然盡力追打「落水狗」。今場除咗有我喺奧脫福現場報道比賽實況外，仲有「阿迷」嘉殷和Gary，一於齊齊欣賞大戰。
