祖記斟掂雷斯　年薪3,800萬

阿仙奴長期目標維拉巴西中場杜格拉斯雷斯，近日被祖雲達斯截胡，據報雙方達成原則性協議，年薪450萬歐元(約3,800萬港元)另加獎金，祖記稍後再同維拉傾轉會費。

26歲嘅杜格拉斯雷斯2017年被曼城在巴甲發挖，不過在曼城並無上陣機會，曾外借到基羅納兩季，2019年被阿士東維拉買斷，5季上陣204場入22球，今季表現最好，上陣53場交出10球10助攻。

呢位巴西國腳同維拉合約尚餘2年，但無意續約，維拉打算今夏將佢出售，其在《轉會市場》升至生涯最高嘅7,000萬歐元(約5.9億港元)，如成功出售將可利潤最大化。

意大利傳媒報道，祖記派出總監基安托利同杜格拉斯雷斯經理人接洽，雙方達成原則性協議，年薪450萬歐元另加獎金，合約至2029年，稍後再由祖記同維拉談判轉會費事宜。