世盃外　港隊保持不失　盧斯爾：表現有交代

香港男子足球代表隊周二（11日）在最後1場「2026世界盃暨2027亞洲盃聯合外圍賽第二圈」E組賽事與土庫曼互交白卷，以榜末完成次圈世盃外，但暫代主教練盧斯爾仍對球隊保持清白之身感到滿意。

港隊換邊後換入米高及史提芬彭利拿等進攻球員，惟最終未能獲勝，但盧斯爾對球隊保持清白之身感到滿意：「土庫曼上半場有吓攻門好有威脅，好彩被『阿輝』（葉鴻輝）救到，而換邊之後兩隊踢得膠着，大家都冇乜機會，雖然最後贏唔到，但可以保住唔失波都值得開心同驕傲。」

港足是役與土庫曼打和後，僅能以榜末完成次圈世盃外，盧斯爾被問到如何看待亞洲盃第3圈外圍賽的形勢，他稱抽籤結果未出爐，故暫時未能回應：「當知道呢圈分組賽仲要對伊朗同烏茲別克，我哋就將目標定喺第3名，可惜兩循環對住土庫曼都贏唔到要排第4，至於亞洲盃第3圈外圍賽仲未抽籤，暫時冇辦法講太多。」