格列沙加又拎最佳球員　僅輸2大傳奇

瑞士喺歐國盃同德國踢成1比1，今屆3仗1勝2和以小組次名出線，亦係瑞士自2014年世盃開始，連續6屆國際大賽進身淘汰賽。瑞士中場格列沙加今場獲選為最佳球員，喺歐國盃拎MVP次數係史上第2多。

格列沙加今場攻守兼備，為瑞士策動唔少反擊機會，繼首仗對匈牙利後，今屆第2次當選最佳球員，亦係佢歷來第5次喺歐國盃當選賽事MVP，歷史上只有葡萄牙嘅C朗拿度同西班牙嘅恩尼斯達(各6次)比佢拎得更多。

格列沙加賽後表示：「最後一刻失波永遠都係失望，但我哋展示出自己嘅性格，呢1分係值得高興。瑞士依家實現第1步(出線)，好期待下一圈賽事同下一個對手，經過今場之後，我相信瑞士會獲得對手更多嘅尊重。」