港超聯　減薪回歸大埔　「伊高」盼重拾足球樂趣

大埔周四（18日）假西貢一間酒店舉行新球季發布會，一口氣公布簽入10名新球員，當中最受矚目當然是伊高沙托尼重返球隊。「伊高」受訪時表示為重拾足球樂趣，因此決定與前球隊傑志提早解約，並有信心主教練李志堅可令自己踢得更好。

伊高沙托尼和舊球會傑志本來尚有合約在身，但這名31歲巴西翼鋒表示經雙方協議後，最終決定提早解約：「原本仲有半年合約，我可以留隊去泰國集訓，但我知道上陣時間唔太多。同埋傑志上季喺『朱Sir』（朱志光）離開後，經歷好多改變，令情況變得更困難，離開係最好決定。」

「伊高」曾在18/19球季協助大埔歷史性封王，兼奪得香港足球先生，加上今次能夠與主教練李志堅再度合作，他承認上述種種原因，皆令自己選擇大幅減薪回歸：「同堅Sir一直有聯絡，佢比任何一位教練更了解我，可以令我踢得更好。同埋我喺大埔有好多美好回憶，今次係一個好好機會重返球隊，去重拾足球樂趣，希望今季可以保持健康同開心。」