阿迪達開聲要買人　簽卡拉科利好事近

已飛去美國進行季前集訓嘅阿仙奴，領隊阿迪達周二(23日)接受訪問，公開表示球隊需要買人增強實力。據報阿仙奴已接近完成收購意大利國腳卡拉科利，轉會費約4,200萬鎊。

對於夏季增兵，阿迪達表示：「喺英超要做冠軍嘅要求比其他聯賽更高，我哋喺每一個地方都需要加強，呢個亦係依家做緊嘅嘢，我哋知道邊個位置需要有更多資源。」

據報阿仙奴夏天希望收購1名後防、1名中場同1名翼鋒，意大利守將卡拉科利將會率先來投，阿仙奴同博洛尼亞已就4,200萬鎊轉會費傾掂數，呢位22歲新星亦冇份參加博洛尼亞集訓名單，日內可正式簽約。