【官宣】馬賽再添猛將　簽入賀積查治

法甲勁旅馬賽繼簽入曼聯翼鋒格連活特之後，再增添1位猛將，宣布以先借後買方式簽入熱刺中場賀積查治，由白禮頓來投嘅新帥迪薩比似乎想將球隊進一步「英超化」。

據悉馬賽先借用賀積查治1季，明年夏天再以2,000萬歐元(約1.7億港元)買斷呢位即將29歲丹麥國腳。賀積查治4年前由修咸頓加盟熱刺之後，一直屬於球隊主力，為呢支倫敦球隊合共上陣184場入10球，亦有份為丹麥出戰今屆歐國盃。

值得一提，賀積查治曾於2022年11月歐聯最後1輪分組賽補時入波，協助熱刺作客以2比1反勝馬賽，取得首名出線，估唔到依家為馬賽效力。