史Sir棄用9位歐國盃球員　靠兩位「賭神」擔大旗

意大利國家隊主帥史巴列堤公布出戰嚟緊2場歐國聯嘅大軍名單，並進行大換血，棄用9位有份參加今屆歐國盃嘅球員，並重召因為違規賭波，坐完10個月波監嘅辛度東拿利，加上另1位曾因為賭波受罰嘅中場尼高路法基奧利亦有入選，史Sir似乎想靠兩位「賭神」擔大旗。

意大利喺今屆歐國盃表現差劣，令史巴列堤備受下台壓力，無可避免需要為球隊進行改革，所以今次名單並冇徵召佐真奴費路、尼高路巴列拿、費達歷高基艾沙、白賴仁基斯坦迪等8位歐國盃成員，至於紐卡素中場辛度東拿利、熱刺左後衞烏杜治、費倫天拿前鋒摩斯堅恩獲得重召。

阿特蘭大嘅24歲中場比斯安尼利、李斯特城後衞奧基利首次入選，意大利將於9月7日凌晨歐國聯作客法國，3日之後喺中立場匈牙利布達佩斯對以色列。