東網電視
更多新聞短片
坦哈格。(Getty Images)
曼聯主場吞熱刺3蛋，坦哈格去留成為討論焦點，結果係未炒住，坦哈格被影到比賽結束後12小時已經返到卡靈頓中心準備新一日訓練，備戰未來一周對波圖同阿士東維拉兩場賽事。
多間英國傳媒報道，曼聯高層對於坦哈格去留一致保持冷靜，雖然對於主場0比3輸畀熱刺未能接受，但高層當中無人要求解僱坦哈格，只要求曼聯成績及表現需要改進。
下次國際賽檔期之前，曼聯有兩場比賽，包括周中歐霸盃作客葡超班霸波圖，以及英超作客排第5嘅阿士東維拉，兩場都唔易應付，坦哈格亦自知壓力沉重。
曼聯每日例行操練在當地時間早上10時，坦哈格天未光已經駕車返到，英國傳媒估計坦哈格捱通宵冇瞓過，由於剛輸波，坦哈格要求所有球員提前一小時到球場作為懲罰，並要求球員總結比賽失利同汲取教訓。
