7連勝弗到爆 兵來將擋拜女贏面高
2024年10月09日 18:01
東網電視
更多新聞短片
女子歐聯C組，拜仁慕尼黑女足主場鬥阿仙奴女足。
女子歐聯C組首輪焦點大戰，拜仁慕尼黑女足主場鬥阿仙奴女足。拜仁女足近況弗爆，連場報捷勒都勒唔住，反觀「兵工廠」女足明顯回落，此消彼長下，主隊贏面高唱入雲，直取主勝。（周四凌晨零時45分開賽）
拜仁無論男足定女足都喺國內「打橫行」，「拜女」近10季聯賽5度稱后，雖然喺歐聯仲未嘗過捧盃滋味，但近6屆5次至少入到8強，其中2021年更躋身4強，可惜不敵車路士女足無緣決賽，上屆分組賽出局就失威啲，因此今屆誓要捲土重來。「拜女」今季極速上力，各項賽事已豪取7連勝，一班球隊愈踢愈爽，自然希望食住個勢打響歐聯頭炮。
阿仙奴女足經歷季前換血，仍處於適應期，尤其係冇咗荷蘭女球王美迪瑪，火力明顯下滑，各項賽事近5場僅贏兩場，上場聯賽喺主場只能同包尾大幡愛華頓女足悶和「窿窿」，令人失望。何況佢哋對親拜仁女足都騰騰震，兩軍近4次交手，阿仙奴女足輸咗3次，擺明畀對手食住，作客更難以樂觀。
更多賠率：