東網電視
更多新聞短片
施蒙尼當年一手提攜湯馬士柏迪。(Getty Images)
阿仙奴中場湯馬士柏迪今季表現回勇，佢目前合約到明年夏天就完結，「兵工廠」仍未決定係咪續約，不過西班牙媒體報道，湯馬士柏迪有機會明年重返西甲，加盟嘅更可以係佢昔日東家馬德里體育會。
阿仙奴4年前以啟動違約金方式，成功喺馬體會簽入湯馬士柏迪，令教練施蒙尼火滾，不過該阿根廷名帥就好念舊，據西班牙媒體《Todo Fichajes》報道，施蒙尼希望下季可以免費得到湯馬士柏迪回巢，而且最快1月就可以進行斟介。
31歲嘅湯馬士柏迪喺施蒙尼改造下，曾經被譽為西甲最佳防守中場，不過去到英超後佢持續受到傷患影響。呢位加納國腳今季全面回勇，8場聯賽全部正選上陣，而且球隊近2季已先後簽入迪格蘭賴斯同米基爾馬連奴，似係為湯馬士柏迪離隊鋪路。
