東網電視
更多新聞短片
洛迪高高斯傷勢令球迷擔心。(Getty Images)
皇家馬德里日前喺歐聯擊敗多蒙特，不過付出沉重代價，前鋒洛迪高高斯同門將泰拔高圖爾斯勇戰受傷，幾乎肯定無緣周日(27日)凌晨對巴塞隆拿嘅「國家打吡」。
洛迪高高斯喺對多蒙特一戰尾段拉傷大腿，雖然仍未知道實際傷勢情況，不過巴西《ESPN》指佢因肌肉內部出血，要等傷勢緩和後先可以做磁力共振檢查，幾乎鐵定踢唔到「國家打吡」。
除此之外，門將泰拔高圖爾斯亦觸傷舊患，皇馬聲明表示：「泰拔高圖爾斯左腳內收肌受傷，球隊會密切跟進佢嘅康復療程。」據《The Athletic》報道，呢位比利時門將預料會缺陣2至3個星期。
