東網電視
更多新聞短片
洛維拿被指踢法似名宿派路。(Getty Images)
意大利國家隊傳出不利消息，今季迅速上位嘅拖連奴中場森梅利列斯因為受傷退隊，領隊史巴列堤有意趁機試用新人，準備派出首次入選嘅拉素中場洛維拿擔正出戰嚟緊2場歐國聯。
森梅利列斯今季表現出色，並成為意大利國家隊正選，甚至吸引曼城關注，有意收購佢頂替受傷長抖嘅洛迪卡斯簡迪，因而有「意國洛迪」之稱。不過，呢位23歲新星因為傷患問題，已退出今次意大利名單，主帥史巴列堤惟有補選祖雲達斯中場文路爾盧卡迪利。
意大利喺今屆歐國盃慘淡出局後，史巴列堤頻頻試用新人，今次打算派出洛維拿擔正，踢11月15日凌晨歐國聯作客比利時，呢位22歲新星近2季已成為拉素主力，以踢法優雅、傳球能力出色見稱，被指踢法似名宿派路，值得令人期待。
