賽馬會菁英盃　力保1分　葉卓文：繼續努力

均業北區周六（16日）在「賽馬會菁英盃」A組分組賽以1比1逼和傑志，取得1分，今場踢足的葉卓文承認季初曾面臨極大低潮，幸好全隊不斷鼓勵自己，讓其逐漸收拾心情，盼往後繼續有穩定發揮，令球隊成績逐步改善。

北區季初走勢未如理想，「卓文」坦承此前心情低落，慶幸球隊向自己雪中送炭，才使他重拾信心：「之前有幾場踢得唔好，難免影響到信心，我都從中學到識點樣喺逆境繼續努力，而且球隊管理層、教練同隊友冇放棄我，先令自己慢慢企番起身。」

連同今仗在內，北區今季第二度在北區運動場賽和「藍鳥」，不過「卓文」未有自滿，期望與球隊繼續努力，在聯賽擺脫榜尾：「始終傑志有幾個主力要踢港隊，仲要出多3個U22，所以我哋唔可以自滿，希望之後踢得再放啲，唔使再喺聯賽排包尾。」