東網電視
更多新聞短片
賀蘭特（圖右）在賽後記招表示黃威生病原因不太了解。（黃威社交平台截圖／鄧文滔攝）
理文周三（4日）在「亞冠盃2」分組賽0比0賽和淡濱尼流浪，對於主力黃威在社交平台指，旺角場更衣室未有熱水供應，導致洗澡時生病，無奈缺陣，主教練賀蘭特（Matt）在賽後記招表示對此情況不太了解。
黃威日前在社交平台表示，他上周六（11月30日）在旺角場出戰對傑志的「高級組銀牌」後，更衣室沒有熱水供應，使他洗澡後生病，今仗亦未能候命，Matt稱他並不肯定旺角場設備，正是導致黃威生病的原因：「我嗰日冇沖涼，不過杜度同顏樂楓都唔舒服，所以唔太清楚情況係咪咁誇張，而且我哋早排先飛完越南，我諗連醫生都唔會知佢（黃威）幾時病。」
談到今場戰況，Matt坦言「亞冠盃2」水準較一般賽事高，令球隊難以輕易組織攻勢：「亞洲賽唔係『玩玩吓』㗎，強度同本地賽事比完全係兩回事，好難單場贏對手贏5、6球，同埋今場係1個禮拜內第3場波，真係好惡啃，希望球迷繼續支持我哋。」
