東網電視
更多新聞短片
樸達上年4月被車路士炒魷後，一直未有教職。(Getty Images)
英格蘭名帥樸達上年4月被車路士炒魷之後，一直未有教職，根據英國《太陽報》爆料，韋斯咸、狼隊準備換帥，不約而同睇中樸達，相信佢好快會出山。
韋斯咸近2場英超分別不敵阿仙奴及李斯特城，領隊盧比迪古帥位愈來愈危，如果下周二(10日)凌晨英超主場贏唔到狼隊，相信盧比迪古就會下台。無獨有偶，狼隊同樣遭遇2連敗排尾二，深受降班威脅，主帥加利奧尼爾亦面臨被炒，換言之，韋斯咸對狼隊，成為盧比迪古同加利奧尼爾嘅生死戰。
據悉兩間球會已經有兩手準，一旦換帥，就會斟樸達接手。樸達早前接受傳媒訪問時，表示對於執教任何球隊，持開放態度，相信佢已準備好復出教波。
