東網電視
更多新聞短片
魯賓艾摩廉(右)表示需要更多時間試陣。(Getty Images)
曼聯由新主帥魯賓艾摩廉執教後，表現仍然冇起色，並遭受英超2連敗，呢位葡萄牙少帥上仗2比3不敵諾定咸森林後，指紅魔鬼欠缺高水平球員，似乎想講輸波同自己戰術部署無關，難怪被網民批評佢學足前任領隊坦哈格，一味只識卸膊。
賽後魯賓艾摩廉解釋輸波原因：「曼聯經歷1場艱鉅比賽，我哋下半場開局非常差，令球員大失方寸，隊內冇乜高水平球員，但佢哋鬥心強。」艾摩廉言之下意，似乎想將輸波責任推卸晒畀球員。
艾摩廉仲話需要更多時間試陣，睇來想預告球隊未來一段日子成績都唔會好。
