東網電視
更多新聞短片
祖漢杜蘭遠射入世界波。(Getty Images)
周三(11日)凌晨歐聯，阿士東維拉領隊艾美利下半場作出2次關鍵換人，效果立竿見影，2位後備上陣球員祖漢杜蘭、巴克里各入1球世界波，作客以3比2擊敗RB萊比錫，由於RB萊比錫今屆歐聯6戰全敗，成為首支提早出局球隊。
阿士東維拉今仗反客為主，開賽未夠3分鐘，就由約翰麥甘尼射入打開紀錄，但踢到27分鐘，防線犯錯，被RB萊比錫前鋒奧賓達射入空門扳平。
半場休息後，維拉主帥艾美利立即作出調動，派出「後備殺手」祖漢杜蘭上陣，呢位哥倫比亞國腳不負所托，入替僅7分鐘，就遠射入世界波，協助維拉再次領先。
根據OPTA統計，祖漢杜蘭今季各項賽事有6球係後備上陣射入，屬於歐洲5大聯賽球員之中最多。呢位20歲新星跟住仲有1次射門入網，但因為隊友越位在先，被判無效。
RB萊比錫避過一劫後，由巴姆加特拿射入扳平，但艾美利83分鐘再次作出「神換」，換入巴克里，呢位中場僅上陣2分鐘，遠射入波奠定3比2勝局，夠晒戲劇性。阿士東維拉6戰取得4勝1和1負，出線機會樂觀。
