東網電視
更多新聞短片
韋斯活出席賽後記招。（鄧文滔攝）
1/3
香港男子足球代表隊周六（14日）在東亞足球錦標賽外圍賽B組賽事，以2比1險勝中華台北晉級決賽，兼收穫國際賽5連勝，主教練韋斯活認為球隊表現理想，值得贏波，但透露今場傷出的祖連奴，至少養傷兩星期，肯定缺席下周二（17日）的決賽。
港隊今場靠徐宏傑末段建功，才驚險獲勝，韋斯活於賽後記招指球隊下半場控制戰局，認為贏波是合理賽果：「中華台北用盡辦法阻止我哋進攻，好彩我哋換邊後控制到節奏，創造咗好多機會，值得贏波，而且大家要明白，我哋冇可能場場到踢得好完美，就好似曼城咁，3個月前仲好似唔識輸，但依排都踢得好辛苦。」
此外，中場主力祖連奴上半場傷出，由艾華入替，韋斯活透露祖連奴大腿拉傷，至少養傷兩星期，肯定無法出戰下周二的決賽：「祖連奴拉親大腿，起碼要唞兩個禮拜，如果情況再嚴重啲，可能要唞6個禮拜先掂，希望呢件事唔會發生。」
值得一提，港隊前主帥莊恩安達臣亦有入場觀賽，韋斯活稱賽前曾與對方交談：「當我教緊阿富汗嗰陣，已經同當時仲係港隊主教練嘅佢，喺亞洲足協會議見面，今次再見除咗交換近況，又講吓想點執各自隊波，大家都傾得好開心。」
祖連奴上半場因傷退下火線。（鄧文滔攝）
港隊前主帥莊恩安達臣有入場觀賽。（鄧文滔攝）
